Bakı. 26 noyabr. REPORT.AZ/ Azərbaycanın xarici işlər naziri Elmar Məmmədyarov Gürcüstana səfəri çərçivəsində Tbilisidə gürcüstanlı həmkarı Giorgi Kvirikaşvili ilə görüşüb.
"Report"a Gürcüstan XİN-ə istinadən xəbər verir ki, görüş Tbilisidə keçirilən "Şərq Tərəfdaşlığı" ölkələri xarici işlər nazirlərinin VI qeyri-rəsmi toplantısı çərçivəsində baş tutb.
"Görüşdə Azərbaycan və Gürcüstan münasibətlərinin inkişaf perspektivləri, beynəlxalq təşkilatlar çərçivəsində əməkdaşlıq, regionda və dünyada baş verən proseslər barədə fikir mübadiləsi aparılıb", - nazirliyin məlumatında deyilir.
Eyni zamanda, nazirlər iki ölkə arasında əlaqələrin strateji tərəfdaşlıq səviyyəsində inkişaf etdiyini vurğulayıblar.