Bakı. 20 oktyabr. REPORT.AZ/ Azərbaycan xarici işlər naziri Elmar Məmmədyarov Serbiyanın Azərbaycana təyin olunmuş yeni səfiri Neboyşa Rodiçi qəbul edib. XİN-dən "Report"a verilən məlumatına görə, görüşdə Neboyşa Rodiç etimadnaməsinin surətini nazir Elmar Məmmədyarova təqdim edib.
Nazir Elmar Məmmədyarov Azərbaycan ilə Serbiya arasında əlaqələrin dinamik surətdə inkişaf etdiyini qeyd edərək, səfir Neboyşa Rodiçə yeni diplomatik vəzifəsində uğurlar arzu edib.
Səfir Neboyşa Rodiç diplomatik fəaliyyəti müddətində Azərbaycan ilə Serbiya arasında ənənəvi dostluq əlaqələrinin inkişafı üçün səylərini əsirgəməyəcəyini bildirib.