Səfir: “Azərbaycanda yəhudilərin sülh və əmin-amanlıq içində yaşaması bizim üçün çox sevindiricidir”

“Azərbaycanda yəhudilərin sülh və əmin-amanlıq içində yaşaması bizim üçün çox sevindiricidir”.

“Report” xəbər verir ki, bunu İsrailin Azərbaycandakı səfiri Dan Stav Bakıda keçirilən “Azərbaycanda Milli Məkan Məlumatları İnfrastrukturunun əsasları” adlı konfransda çıxışı zamanı deyib.

O bildirib ki, Azərbycanla İsrail arasında mülki sahədə əlaqələr genişlənməkdədir: “Biz özəl sektorda da birgə əməkdaşlığın inkişaf etdirilməsinin tərəfdarıyıq. İsrail şirkətləri olduqca yeni texnologiyalardan istifadə edirlər. Bu şirkətlərin texnologiyaları yerli tələbata uyğunlaşdırılmalıdır”.