Bakı. 11 iyul. REPORT.AZ/ Kiyevdə "Şərq Tərəfdaşlığı" proqramı ölkələrinin XİN başçılarının VII qeyri-rəsmi görüşü keçirilib.
"Report"un məlumatına görə, görüş zamanı iştirakçılar "Şərq Tərəfdaşlığı" proqramının həyata keçirilməsi və inkişaf perspektivlərini müzakirə ediblər.
Görüşdə Azərbaycanı xarici işlər nazirinin müavini Mahmud Məmmədquliyev təmsil edib.
Qeyd edək ki, sabah Ukraynanın paytaxtında "Şərq Tərəfdaşlığı" proqramı ölkələrinin iqtisadiyyat nazirlərinin qeyri-rəsmi görüşü də keçiriləcək.
Xatırladaq ki, Aİ-nin 6 şərq qonşusu - Azərbaycan, Ermənistan, Gürcüstan, Ukrayna, Moldova və Belarus ilə yaxınlaşmasına istiqamətlənmiş "Şərq Tərəfdaşlığı" proqramı 2009-cu ildə başlayıb. Bu təşəbbüs Polşa və İsveç tərəfindən irəli sürülüb.