İtaliya baş nazirinin I müavini Avropa Oyunlarının açılış mərasimində iştirak edəcək

Bakı. 12 iyun. REPORT.AZ/ İtaliya baş nazirinin birinci müavini Klaudio De Vinçenti "Bakı-2015" I Avropa Oyunlarının açılış mərasimində iştirak edəcək. 

"Report" xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda İtaliya baş nazirinin birinci müavinini Azərbaycan Xarici İşlər Nazirliyinin və "Bakı-2015" Avropa Oyunları Əməliyyat Komitəsinin nümayəndələri qarşılayıblar.