Gürcüstan baş nazirinin Azərbaycana rəsmi səfəri başa çatıb

Bakı. 12 mart. REPORT.AZ/ Gürcüstanın Baş naziri Giorgi Kvirikaşvilinin Azərbaycana rəsmi səfəri martın 12-də başa çatıb.

“Report” xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda Baş nazirin şərəfinə fəxri qarovul dəstəsi düzülüb.

Baş nazir Giorgi Kvirikaşvilini hava limanında Azərbaycan Respublikası Baş nazirinin birinci müavini Yaqub Eyyubov və digər rəsmi şəxslər yola salıblar.