Fransada yaşayan azərbaycanlılara səyyar konsulluq xidməti göstəriləcək

Bu ilin mayında Lion şəhərində Fransada yaşayan azərbaycanlılara səyyar konsulluq xidməti göstəriləcək. 

Bu barədə "Report"un Qərbi Avropa bürosuna Azərbaycanın Fransadakı səfirliyindən məlumat verilib. 

Bildirilib ki, Lion şəhəri və Auvergne-Rhône-Alpes regionunda yaşayan Azərbaycan vətəndaşları mayın 3-ü saat 10:00-dan 13:00-dək və 15:00-dan 18:00-dək, həmçinin mayın 4-ü saat 10:00-dan 13:00-dək bu xidmətdən yararlana biləcəklər. 

Eyni zamanda cari il Fransanın Nant, Strasburq, Bordo, Tuluza və Nitsa şəhərlərində yaşayan azərbaycanlılara da səyyar konsulluq xidmətlərin göstərilməsi nəzərdə tutulur.