Bakı. 3 noyabr. REPORT.AZ/ Böyük Britaniya baş nazirinin ticarət məsələləri üzrə elçisi, baronessa Emma Nikolsonun Azərbaycana səfirinin proqramı açıqlanıb.
Böyük Britaniyanın Azərbaycandakı səfirliyindən "Report"a verilən məlumata görə, E.Nikolson noyabrın 30-da Azərbaycana gələcək və səfər 2 günlük olacaq. Baronessa dekabrın 1-də ölkəmizi tərk edəcək.
Səfər zamanı britaniyalı elçinin Azərbaycan Prezidenti İlham Əliyev, eləcə də digər dövlət və hökumət nümayəndələri ilə görüşü gözlənilir.
Qeyd edək ki, E.Nikolsonla birlikdə Azərbaycana neft-qaz sahəsində ticarət missiyası da gələcək.