Azərbaycana səfər edən İran vətəndaşlarına vizaların hava limanlarında verilməsinə başlanılıb

Bakı. 19 mart. REPORT.AZ/ "Azərbaycana səfər edən İran vətəndaşlarına giriş vizalarının Azərbaycanın beynəlxalq statuslu hava limanlarında verilməsinə başlanılıb".

Bunu "Report"a açıqlamasında XİN-nin mətbuat xidmətinin rəhbəri Hikmət Hacıyev bildirib.

Onun sözlərinə görə, bu qərar martın 15-də qüvvəyə minib: "Bu qərarın dost və qonşu ölkələr olan Azərbaycan və İran arasında humanitar, iqtisadi-ticarət əlaqələrinin daha da inkişafına və insanlararası təmasların artmasına əsaslı töhfə verəcəyinə ümidvarıq".