Bakı. 22 iyun. REPORT.AZ/ Azərbaycanın xarici işlər naziri Elmar Məmmədyarov Belarus paytaxtı Minskdə "Şərq Tərəfdaşlığı" ölkələrinin XİN başçılarının qeyri-rəsmi görüşündə iştirak edir.
"Report" xəbər verir ki, iclas zamanı iştirakçılar "Şərq Tərəfdaşlığı" proqramının hazırkı vəziyyətini, eləcə də proqram çərçivəsində əməkdaşlıq məsələlərinə dair müzakirə aparacaqlar.
İclasda həmçinin Avropa İttifaqının Avropa qonşuluq siyasəti və genişlənmə danışıqları üzrə komissarı Yohannes Han da iştirak edir.