NATO baş katibinin müavini: "Azərbaycan NATO üçün dəyərli tərəfdaşdır"

Bakı. 4 may. REPORT.AZ/ "Azərbaycan NATO üçün dəyərli tərəfdaşdır". 

"Report"un məlumatına görə, bunu jurnalistlərə açıqlamasında NATO baş katibinin ictimai məsələlər üzrə müavini Tacan İldem bildirib.   

O, bu vəzifədə Azərbaycana ilk dəfə səfər etdiyini deyərək, bundan çox məmnun olduğunu vurğulayıb.

T.İldem sabah Bakıda rəsmi açılışı nəzərdə tutulan IV Ümumdünya Mədəniyyətlərarası Dialoq Forumunda iştirak edəcək. 

O, həmçinin Azərbaycanın NATO-nun Əfqanıstanda həyata keçirdiyi "Qətiyyətli dəstək" sülhməramlı missiyasında iştirakını da yüksək qiymətləndirib.