Azərbaycan diasporunun nümayəndələri Rusiyada parlament seçkilərini müşahidə edib

Bakı. 18 sentyabr. REPORT.AZ/ Ümumrusiya Azərbaycanlıları Konqresinin Moskva şöbəsinin rəhbəri Şamil Tağıyev və ASGA Rusiya nümayəndəliyinin içraçı direktoru Xəzər Qarayev bu gün Rusiyada keçirilən parlament seçkilərini müşahidə edib.

"Report" xəbər verir ki, Xəzər Qarayevin verdiyi məlumata görə, Azərbaycan diasporunun nümayəndələri Moskvada və regionlarda yerləşən 100-dən artıq seçki dairəsinin ərazisində müxtəlif məntəqələrdə seçki prosesini izləyib.

O, müşahidə aparılan məntəqələrdə hər hansı qanun pozuntuları ilə rastlaşmadıqlarını vurğulayıb.