Avropa Birliyinin Cənubi Qafqaz üzrə xüsusi nümayəndəsi Azərbaycana gələcək

Bakı. 12 yanvar. REPORT.AZ/ Avropa Birliyinin (AB) Cənubi Qafqaz üzrə xüsusi nümayəndəsi Qerbert Zalber bu həftə Azərbaycana gələcək. AB-nin Azərbaycandakı nümayəndəliyindən "Report"a bildiriblər ki, yanvarın 14-15-də Bakıya səfər çərçivəsində xüsusi nümayəndə ölkə rəhbərliyi ilə bir sıra görüşlər keçirəcək. Həmin görüşlərdə Azərbaycan və AB münasibətlərinin inkişafı, eləcə də Dağlıq Qarabağ münaqişəsinin həlli perspektivləri müzakirə olunacaq.