Azərbaycanda COVID-19-dan ölənlərin sayı 500-ə çatdı

Azərbaycanda indiyədək koronavirus (COVID-19) infeksiyasından 500 nəfər ölüb. 

“Report”un məlumatına görə, bu barədə Nazirlər Kabineti yanında Operativ Qərargahın yaydığı məlumatda qeyd olunub. 

Bildirilib ki, İndiyədək ölkədə ümumilikdə 33 915 nəfərin koronavirus infeksiyasına yoluxması faktı müəyyən edilib, onlardan 31 269 nəfər müalicə olunaraq sağalıb, 500 nəfər vəfat edib, 2 146 nəfərin xüsusi rejimli xəstəxanalarda müalicəsi davam etdirilir.