Rusiya Türkiyəyə yeni nəsil qırıcı təyyarələr ixrac edə bilər

Rusiya tərəfindən Türkiyəyə beşinci nəsil “Su-57” qırıcı təyyarələrinin tədarükü ilə bağlı iki ölkə rəsmiləri arasında müzakirələr aparılır.

“Report” TASS-a istinadən xəbər verir ki, bu barədə Moskvada keçirilən 14-cü beynəlxalq aviakosmik sərgisində (MAKS-2019) jurnalistlərə Rusiya Federal Hərbi Texniki Əməkdaşlıq Xidmətinin direktoru Dmitri Şuqayev bildirib.

Bununla yanaşı, Rusiyanın Türkiyəyə beşinci nəsil “TF-X” qırıcı təyyarəsinin hazırlanmasında yardım edə biləcəyi də diqqətə çatdırılıb.