Rusiya FHN-ə məxsus mərkəz Azərbaycanla sərhəddə daha 1 ay qalacaq

Rusiya prezidenti Vladimir Putin Fövqəladə Hallar Nazirliyinə məxsus mərkəzin Azərbaycanla sərhəddə daha 1 ay qalması barədə Dağıstan rəhbəri Vladimir Vasilyevin müraciətini qəbul edib.

“Report” “RİA Novosti”yə istinadən xəbər verir ki, həmin müraciət qonşu ölkənin bir sıra regionlarında tikilən hərbi səhiyyə mərkəzlərinin istifadəyə verilməsilə bağlı keçirilən videokonfransda səsləndirilib.

Müraciətdə hər iki ölkənin qarşılıqlı olaraq vətəndaşlarını geri qaytarmağa davam etdiyi üçün belə bir mərkəzə ehtiyac duyulduğu göstərilir.