Gürcüstan Azərbaycan və digər tərəfdaş ölkələrə təşəkkür etdi

“Tərəfdaş ölkələrin dəstəyi sayəsində çətinliklərə baxmayaraq, tibbi xammal və avadanlıqların Gürcüstana vaxtında çatdırılması təmin olunub”.

“Report”un yerli bürosu xəbər verir ki, bu barədə Gürcüstanın xarici işlər naziri David Zalkalini bildirib.

Nazir bu dəstəyə görə tərəfdaş ölkələr və Gürcüstanın diplomatik nümanyəndəliklərinə təşəkkür edib.

Qeyd edək ki, Gürcüstana Çindən xüsusi tibbi avadanlıqlar Azərbaycan vasitəsilə çatdırılıb. Bununla yanaşı, qonşu ölkədə tibbi maskaların ilk partiyası Azərbaycandan alınan tənzifdən istehsal olunub. Özbəkistandan 2 milyon metrlik tənzif mərhələli şəkildə Özbəkistan-Qazaxıstan-Azərbaycan marşrutu üzrə Gürcüstana çatdırılıb.