Acarıstanda dərs ili distant formada bərpa olunacaq

Gürcüstanın Acarıstan Muxtar Respublikasının paytaxtı Batumi şəhəri və Kobuleti qəsəbəsində dərslər oktyabrın 1-dək distant formatda keçiriləcək.

“Report”un yerli bürosu xəbər verir ki, bu barədə Gürcüstanın baş naziri Giorgi Qaxaria keçirdiyi brifinqdə bildirib.

Onun sözlərinə görə, bölgədə son günlər koronavirusun geniş yayılması səbəbindən sentyabrın 15-dən oktyabrın 1-dək dərslər siniflərdə keçirilməyəcək.

Qeyd edək ki, qonşu ölkədə yeni dərs ili sentyabrın 15-də bərpa olunacaq.