Bakı. 26 dekabr. REPORT.AZ/ "2016-cı ildə YUNESKO-nin xətti ilə Azərbaycan klassik ədəbiyyatının iki görkəmli nümayəndəsi İmadəddin Nəsimi və Molla Pənah Vaqif ili elan ediləcək".
"Report" xəbər verir ki, bunu mədəniyyət və turizm naziri Əbülfəs Qarayev deyib.
Nazirin sözlərinə görə, YUNESKO-nun xətti ilə hər iki qüdrətli şairin anılması Azərbaycan üçün dəyərli hadisə olacaq.
Əbülfəs Qarayev İmadəddin Nəsimi və M.P.Vaqiflə yanaşı, YUNESKO-da almanların ilk dəfə Azərbaycana köçmələrinin də ildönümünün qeyd ediləcəyini bildirib.
Hər üç təklif 2016-cı ildə YUNESKO-ya təqdim ediləcək.