Əbülfəs Qarayev: "Bakı Dövlət Sirkinin yeri dəyişdirilməlidir"

Bakı. 26 dekabr. REPORT.AZ/ "Gələn il İrəvan Dövlət Dram Teatrının yeni binası istifadəyə veriləcək".

"Report"un xəbərinə görə, bunu mədəniyyət naziri Əbülfəs Qarayev jurnalistlərə açıqlamasında deyib.

Onun sözlərinə görə, bir neçə böyük mədəniyyət müəssisələrinin əsaslı təmir və bərpası üçün layihələr hazırlanıb: "Dövlət büdcəsində imkanlar olduğu zaman bu layihələrin həyata keçirilməsinə nail olacağıq. Opera və Balet Teatrının yenidən qurulması və bərpasının layihəsi artıq hazırdır. Eyni zamanda, düşünürük ki, Bakı Dövlət Sirkinin yerinin dəyişdirilməsinin vaxtı çatıb".