Kristin Laqardın Avropa Mərkəzi Bankının rəhbəri vəzifəsinə namizədliyi təsdiqlənib

Avropa Parlamenti Beynəlxalq Valyuta Fondunun keçmiş rəhbəri Kristin Laqardın Avropa Mərkəzi Bankının rəhbəri vəzifəsinə namizədliyini təsdiqləyib. 

“Report” TASS-a istinadən xəbər verir ki, parlamentin plenar iclasında onun namizədliyini 649 millət vəkilindən 394-ü dəstəkləyib. 

Xatırladaq ki, K.Laqardın sözügedən vəzifəyə namizədliyini bundan əvvəl Avropa Parlamentinin İqtisadiyyat və Monetar İşlər Komitəsi qəbul edib. O, 17-18 oktyabrda keçiriləcək Avropa İttifaqı sammitində vəzifəsinə təsdiq olunacaq və səlahiyyətlərinin icrasına başlayacaq.