Gələn il ARDNF-in xərcləri gəlirlərini 6,5 milyard manat üstələyəcək

2021-ci ildə Dövlət Neft  Fondunun  (ARDNF) büdcə  gəlirləri 5  932,9  milyon  manat, büdcə xərclərinin isə 12  420,5 milyon manat olması gözlənilir.

“Report” bu barədə Maliyyə Nazirliyinə istinadən xəbər verir.

Məlumata görə, bu, 2020-ci illə müqayisədə müvafiq olaraq 24,3% və 0,15% azdır.

Son nəticədə gələn il ARDNF-in xərcləri gəlirlərini 6 487,6 milyon manat üstələyəcək ki, bu da illik müqayisədə 40,8% çoxdur.