Sabahdan Xətai rayonunda su problemi olacaq

Bakı. 6 aprel. REPORT.AZ/ Bakı şəhərinin Xətai rayonu, Xəqani Rüstəmov küçəsindən keçən magistral su xətti üzərində yenidənqurma işlərinin aparılması ilə əlaqədar aprelin 7-də 09:00-dan etibarən gün ərzində Xocalı prospekti, Xəqani Rüstəmov, Mehdi Mehdizadə, Nəcəfqulu Rəfiyev küçələrinə içməli suyun verilməsində məhdudiyyətlər olacaq.

“Report” “Azərsu”ya istinadən məlumat verir ki, suyun verilişində məhdudiyyətlər “Ağ şəhər” yaşayış massivinin su təchizatı və kanalizasiya sistemlərinin yenidən qurulması layihəsi çərçivəsində olacaq.