Bakı. 4 may. REPORT.AZ/ Bu ilin yanvar-mart aylarında Avropa-Qafqaz-Asiya nəqliyyat dəhlizində yük daşımalarının həcmi açıqlanıb.
"Report" Dövlət Statistika Komitəsinə istinadən xəbər verir ki, 3 ay ərzində dəhlizin Azərbaycan hissəsində daşınmış yüklərin həcmi 12 765,2 min ton, yük dövriyyəsi isə 2 745,8 mln. ton-km olub.
Yüklərin 7 951,2 min tonu və yaxud 62,3%-i avtomobil nəqliyyatı, 2 939,2 min tonu və yaxud 23%-i dəmir yolu nəqliyyatı, 1 874,8 min tonu və yaxud 14,7%-i dəniz nəqliyyatı ilə daşınıb.
Dəhliz vasitəsilə daşınmış yüklərin 20,3%-ni və yaxud 2 586 min tonunu tranzit yüklər təşkil edib.