Bakıda təmirə bağlanan mərkəzi küçələrdən biri açılıb

Bakı. 28 dekabr. REPORT.AZ/ "Formula 1" Avropa Qran-Prisi ilə bağlı hazırlıq işləri çərçivəsində Zərifə Əliyeva prospektinin Azadlıq prospekti və Rəsul Rza küçəsi ilə kəsişmələri arasında olan hissəsində asfalt örtüyünün təmiri işləri yekunlaşıb.

Nəqliyyatı İntellektual İdarəetmə Mərkəzindən (NİİM) "Report"a daxil olan xəbərə görə, Zərifə Əliyeva prospekti və onunla kəsişən küçə və prospektlərdə nəqliyyat vasitələrinin hərəkəti artıq bərpa edilib.