Mədət Quliyevə yeni müavin təyin edilib

Mədət Quliyevə yeni müavin təyin edilib Azərbaycanın Müdafiə Sənayesi nazirinə yeni müavin təyin edilib.&
Hərbi
8 İyul , 2020 13:14
 Mədət Quliyevə yeni müavin təyin edilib
Mədət Quliyev

Azərbaycanın Müdafiə Sənayesi nazirinə yeni müavin təyin edilib. 

"Report" xəbər verir ki, bununla bağlı müvafiq sərəncam imzalanıb. 

Sərəncama əsasən, Mehman Baxışov Müdafiə Sənayesi nazirinin müavini təyin olunub. 

Qeyd edək ki, Mehman Abbas oğlu Baxışov 1959-cu il iyul ayının 28-də Abşeron rayonunun Altı-Agac kəndində anadan olub.

1981-ci ildə Xəzər Ali Hərbi Dənizçilik Məktəbini mühəndis-texnoloq ixtisası üzrə bitirib.

1981-ci ilin iyul ayından 1985-ci ilin avqust ayına qədər SSRİ Hərbi Dəniz Donanmasının Mərkəzi Kimya Anbarında saxlama şöbəsinin rəisi işləyib.

1985-ci ilin avqust ayından SSRİ Müdafiə Nazirliyinin Hərbi Nümayəndəliyində kiçik nümayəndə vəzifəsində çalışıb.

1990-cı ilin noyabr ayında SSRİ Müdafiə Nazirliyinin Baş Hərbi nümayəndəliyinin rəisi təyin edilib. 

1992-ci ilin aprel ayından Azərbaycan Müdafiə Nazirliyində Silah və Hərbi Texnika İdarəsində qərargah rəisinin müavini vəzifəsini tutub. 

1992-ci ilin may ayından 1994-cü ilin yanvar ayına qədər Müdafiə Sənayesi İdarəsində Hərbi nümayəndəliklər şöbəsinin rəisi işləyib.

1994-cü ilin yanvar ayından 2019-cu ilin oktyabr ayınadək Azərbaycan Respublikası Müdafiə Nazirliyinin Müdafiə Sənayesi İdarəsinin rəisi vəzifəsində xidmət edib.

2019-cu ilin oktyabr ayından Azərbaycan Respublikasının Prezidentinin Sərəncamı ilə ehtiyata buraxılıb.

2019-cu ilin noyabr ayından Azərbaycan Respublikası Müdafiə Sənayesi nazirinin (hərbi-texniki əməkdaşlıq üzrə) müşaviri təyin edilib.

Azərbaycan Respublikası Prezidentinin 7 iyul 2020-ci il tarixli Sərəncamı ilə Azərbaycan Respublikasının Müdafiə Sənayesi nazirinin müavini təyin edilib.

Azərbaycan Respublikası Prezidentinin 25 iyun 2008-ci il tarixli Sərəncamı ilə "Hərbi xidmətlərə görə" medalı ilə təltif edilib.

Azərbaycan Respublikası Prezidentinin 25 iyun 2013-ci Sərəncamı ilə General-mayor hərbi rütbəsi verilib.

Xatırladaq ki, Müdafiə Sənayesi naziri Mədət Quliyevdir. 

Mehman Baxışov
Mehman Baxışov

Son xəbərlər

Orphus sistemi