Azərbaycan ordusunun tank bölmələri intensiv məşğələlərə başlayıb - VİDEO

Bakı. 7 avqust. REPORT.AZ/ Azərbaycan ordusunun tank bölmələri intensiv məşğələlərə başlayıb.

Bu barədə "Report"a Müdafiə Nazirliyinin Mətbuat xidmətindən məlumat verilib.

Bildirilib ki, məqsəd yeni tədris dövründə qoşunların hazırlıq planına əsasən, tank hərbi hissə və bölmələrinin şəxsi heyətinin döyüş hazırlığının yüksəldilməsi və hərtərəfli praktiki vərdişlərinin təkmilləşdirilməsidir. Bu istiqamətində məqsədyönlü fəaliyyət üzrə intensiv məşğələlər başlayıb.