Tovuzda əri tərəfindən bıçaqlanan qadın öldü

Tovuz rayonunda həyat yoldaşı tərəfindən bıçaqlanan qadın yerləşdirildiyi xəstəxanada dünyasını dəyişib.

“Report”un Qərb Mərkəzinin məlumatına görə, həkimlərin səyinə baxmayaraq 1990-cı il təvəllüdlü Rəqsanə Məmmədovanın həyatını xilas etmək mümkün olmayıb.

Faktla bağlı araşdırma aparılır.

Qeyd edək ki, R. Məmmədova həyat yoldaşı, 1986-cı il təvəllüdlü Malik Məmmədəliyev tərəfindən bıçaqlanmışdı.

Tovuz rayonunda 30 yaşlı qadına bıçaqla xəsarət yetirən şəxs saxlanılıb.

"Report"un Qərb Mərkəzinin məlumatına görə, rayonun Aşağı Quşçu kənd sakini, 1990-cı il təvəllüdlü Rəqsanə Məmmədovaya bıçaq xəsarəti yetirən həyat yoldaşı, 1986-cı il təvəllüdlü Malik Məmmədəliyev tutulub. 

Faktla bağlı araşdırma aparılır.

Tovuz rayonunda qadının bıçaq xəsarəti alması ilə nəticələnən hadisə qeydə alınıb.

"Report"un Qərb Mərkəzinin məlumatına görə, hadisə Aşağı Quşçu kəndində baş verib. 1990-cı il təvəllüdlü R.Məmmədova bıçaq xəsarəti alıb. Yaralı Tovuz rayon Mərkəzi Xəstəxanasına aparılıb. Onun vəziyyətinin kafi olduğu bildirilir.

Qadının hansı şəraitdə bıçaq xəsarəti alması hələ məlum deyil. 

Faktla bağlı araşdırma aparılır.