Bakı. 28 mart. REPORT.AZ/ Sumqayıt şəhərində yaşayış binasında yanğın olub, sakinlər təxliyə ediliblər.
"Report" FHN-nin saytına istinadən xəbər verir ki, Sumqayıt şəhərində beşmərtəbəli yaşayış binasının pilləkən qəfəsində quraşdırılmış 10 ədəd sayğac və 2 p.m elektrik kabeli yanıb. Yanğın zamanı tüstülənmiş mənzillərdən 6 nəfər sakin yanğınsöndürənlər tərəfindən təhlükəsiz əraziyə təxliyə olunub. Mənzillər yanğından mühafizə olunub.
Yanğın yanğın bölmələri tərəfindən söndürülüb.