Prokurorluğun sosial şəbəkə hesabları aktivləşdirilib

Xəbər verildiyi kimi, prokurorluq orqanları  ilə bağlı məlumatların operativ şəkildə ictimaiyyətə çatdırılmasını təmin etmək üçün "Facebook", "İnstagram", "Twitter", "Youtube", "Telegram" və "Linkedin" sosial şəbəkələrində mövcud və yeni hesablar aktivləşdirilib.

Baş Prokurorluğun Mətbuat Xidmətindən "Report"a bildirilib ki, prokurorluq orqanlarının fəaliyyətindəki dəyişikliklər, yeniliklər, ictimaiyyət tərəfindən maraq göstərilən məsələlər və digər məlumatları əldə etmək istəyən şəxslər rəsmi səhifələrə abunə olmaqla məlumatları maneəsiz şəkildə dərhal əldə edə bilərlər.