Bakı. 22 iyun. REPORT.AZ/ İranda baş verən zəlzələ Azərbaycan ərazisində hiss olunub.
Bu barədə "Report"a Azərbaycan Milli Elmlər Akademiyasının nəzdində Respublika Seysmoloji Xidmət Mərkəzindən məlumat verilib.
Məlumata görə, yerli vaxtla saat 14:47-də Naxçıvandan 76 km cənub-qərbdə İran ərazisində zəlzələ qeydə alınıb.
Zəlzələ Naxçıvanda 3 bala qədər hiss olunub.
Yeraltı təkanın maqnitudası 4.6, dərinliyi 5 kilometr olub.
Qeyd edək ki, Tehran Universiteti nəzdində Geofizika İnstitutunun yaydığı məlumata görə, İranda 4,3 bal gücündə zəlzələ olub.