Göygöldə avtomobildən 1 200 manat pul oğurlandı

Göygöldə avtomobildə oğurluq hadisəsi baş verib.

Bu barədə "Report"a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, Göygöl Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində sentyabrın 13-də rayon ərazisində 1 avtomobildən içərisində 1 200 manat, bank kartı və sənədlər olan pulqabısını oğurlamaqda şübhəli bilinən Gəncə şəhər sakinləri E.Səlimbəyov və əvvəllər məhkum olunmuş R.Novruzov saxlanılıb.