Bakı. 9 mart. REPORT.AZ/ Türkiyə çempionatının 23-cü turunda "Fənərbaxça" "Qalatasaray"ı məğlub edib.
"Report" xəbər verir ki, görüş İstanbulda "Şükrü saracoğlu" stadionunda keçirilib və 1:0 hesabı ilə başa çatıb.
Matçda yeganə qolu 81-ci dəqiqədə Dirk Küyt vurub.
"Sarı-qırmızılar" bu çempionatda sonuncu dəfə ötən il noyabrın 22-də , "Trabzonspor"a məğlub olmuşdular (0:3).
Hazırda 23 turdan sonra "Qalatasaray" 51 xalla turnir cədvəlində birinci yeri tutur. Hesabında 50 xal olan "Fənərbaxça" üçüncü pillədə qərarlaşıb.
Türkiyə Superliqası. 23-cü tur
"Fənərbaxça" (İstanbul) – "Qalatasaray" (İstanbul) – 1:0
Qollar: Küyt, 81 (1:0).