Türk Şurasının baş katibi: "Qarabağ" bütün türk dünyası üçün qürur mənbəyi oldu"

Bakı. 25 avqust. REPORT.AZ/ Türk Şurasının baş katibi Ramil Həsənov "Qarabağ" futbol klubunu UEFA Çempionlar Liqasının qrup mərhələsinə vəsiqə qazanması münasibətilə təbrik edib.

"Report"un Türk Şurasının mətbuat xidmətinə istinadən verdiyi məlumata görə, təbrikdə R.Həsənov qurumun üzvləri və öz adından "Qarabağ" kollektivini ürəkdən təbrik edib.

"Qarabağ" Çempionlar Liqasında qrup mərhələsinə vəsiqə qazanan ilk Azərbaycan klubu oldu və bununla Azərbaycan və bütün türk dünyası üçün qürur mənbəyi oldu. Bu və digər nailiyyətlərin digər idman növlərində yarışan bütün idmançılara nümunə olmasını arzulayıram", - təbrikdə deyilir.