"Sumqayıt" 2 futbolçusu ilə müqaviləni yenilədi

2020/2021 mövsümü üçün transfer çalışmalarına start verən “Sumqayıt” 2 futbolçusu ilə müqaviləni yeniləyib.

"Report" klubun rəsmi saytına istinadən xəbər verir ki, qapıçı Mehdi Cənnətov və müdafiəçi Elvin Bədəlov növbəti mövsümdə də "gənclik şəhəri" təmsilçisinin uğurları üçün çalışacaq.

Qeyd edək ki, 2017-ci ildən “Sumqayıt”da çıxış edən Cənnətov ümumilikdə 55 qarşılaşmada meydanda olub. 2019-cu ildə bu komandaya qoşulan Elvin Bədəlov isə 20 oyun keçirib. 1343 dəqiqə meydanda olan mərkəz müdafiəçisi 1 məhsuldar ötürmə ilə yadda qalıb.