Bakı. 6 yanvar. REPORT.AZ/ Bu həftə dövrələrarası fasilədə hazırlığın birinci mərhələsini başa vuracaq "Sumqayıt" klubu təlim-məşq toplanışının növbəti mərhələsini Türkiyənin Antalya bölgəsində keçirəcək.
"Report"un klubun rəsmi saytına istinadən verdiyi məlumata görə, yanvarın 10-da səhər saatlarında qonşu ölkəyə yola düşəcək "gənclik şəhəri" təmsilçisi 10 gün hazırlıq prosesi keçəcək. "Sumqayıt" Antalyada "The Sense De Luxe" otelində məşkunlaşacaq.
Samir Abasovun rəhbərlik etdiyi komanda toplanış çərçivəsində 3 yoxlama oyunu keçirəcək. Rəqiblər Özbəkistanın "Nasaf", Albaniyanın "Skenderbeu" və Qazaxıstanın "Atırau" klubları olacaq.