Pike öz klubunda Messinin səhmdar olmasını istəyir

Bakı. 7 yanvar. REPORT.AZ/ İspaniyanın "Andorra" klubunun sahibi olan "Barselona"nın futbolçusu Jerard Pike komanda yoldaşı Lionel Messiyə klubunda səhmdar olmağı təklif edib.

"Report" "Sport.es"ə istinadən xəbər verir ki, 32 yaşlı müdafiəçinin "Cosmos" şirkəti hazırda layihəyə qatılmaq üçün Messinin nümayəndələri ilə görüşür və tərəflərin razılaşmaya çox yaxın olduqları bildirilir.

Pike Messi vasitəsilə sponsorları cəlb etməklə dünyanın "Andorra" klubuna olan marağını artırmaq niyyətindədir.

Qeyd edək ki, "Andorra" klubu İspaniyanın V divizionunda çıxış edir.