Bakı. 4 İyul. REPORT.AZ/ Futbol üzrə Peru yığması Çilidə keçirilən Amerika Kubokunda üçüncü yeri tutub.
"Report" xəbər verir ki, təsəlliverici finalda perulular Paraqvay millisi üzərində 2:0 hesablı qələbə qazanıblar.
Oyunda qolları 48-ci dəqiqədə Andre Karrilyo və 89-cu dəqiqədə Paolo Qerrero vurub.
Kubokun bu gün keçiriləcək final oyununda Argentina və Çili üz-üzə gələcək.