La Liqada daha bir futbolçudan koronavirus çıxdı

İspaniyanın "Qranada" klubunun futbolçusu Yanxel Erreranın koronavirus testi müsbət nəticə verib.

"Report"un "Marca"ya istinadən verdiyi məlumata görə, venesuelalı yarımmüdafiəçidə yoluxma heç bir simptomsuz üzə çıxıb. Yaxın bir neçə gün ərzində 22 yaşlı oyunçu özünütəcrid şəraitində yaşayacaq. Sonra o, təkrar yoxlamadan keçəcək.

Qeyd edək ki, daha əvvəl İspaniyada "Atletiko"nun müdafiəçisi Renan Lodi və "Real Sosyedad"ın qapıçısı Aleks Romerodan da koronavirus aşkarlanıb.