FIFA "Çelsi" klubuna transfer qadağası qoyub

Bakı. 22 fevral. REPORT.AZ/ FIFA İngiltənin "Çelsi" klubuna transfer qadağası qoyub. 

"Report" qurumun rəsmi saytına istinadən xəbər verir ki, London təmsilçi növbəti iki transfer pəncərəsində yeni oyunçu qeydiyyatdan keçirə bilməyəcək. Cəza 2019-2020 mövsümünün sonunadək qüvvədə olacaq. 

Klubun yetkinlik yaşına çatmayan 29 futbolçu transfer etməklə və oyunçu qeydiyyatı ilə bağlı digər tələbləri pozduğu müəyyənləşib. 

Londulular həmçinin 600 min İsveçrə frankı məbləğində cərimələnib. Problemin yoluna qoyulması üçün "Çelsi"yə 90 gün vaxt verilib. Bundan başqa klub azyaşlılara qarşı münasibətdə qaydaları pozması səbəbindən 510 min frank cərimələnib və ona vəziyyəti tənzimləmək üçün 6 ay vaxt verilib.