"Everton" klubu İngiltərə millisinin qapıçısı ilə uzunmüddətli müqavilə imzalayıb

Bakı. 26 sentyabr. REPORT.AZ/ İngiltərənin "Everton" klubu qapıçısı Cordan Pikford ilə uzunmüddətli müqavilə imzalayıb. 

"Report" klubun saytına istinadən xəbər verir ki, 24 yaşlı qolkiper yeni sözləşməyə əsasən, 2024-cü ilə qədər Liverpul təmsilçisinin şərəfini qoruyacaq. 

Qeyd edək ki, Cordan Pikford 2017-ci ildən "Everton"da çıxış edir. İngiltərə millisinin də şərəfini qoruyan oyunçu cari mövsüm klubun heyətində 6 oyunda meydanda olub.