DÇ-2018: Misir yığmasının oyunçusu Məhəmməd Salah Rusiyaya qarşı oyunda iştirak edəcək

Bakı. 16 iyun. REPORT.AZ/ Misirin yığma komandasının hücumçusu Məhəmməd Salah futbol üzrə dünya çempionatı çərçivəsində, Sankt-Peterburqda iyunun 19-da Rusiyaya qarşı keçiriləcək oyunda iştirak edəcək.

"Report" TASS-a istinadən xəbər verir ki, bu barəcə Misirin "Əl-Bələd" nəşri məlumat yayıb. 

"Salah tibbi və texniki komitəyə zərbədən sonra bərpa olunduğunu və Rusiya yığmasına qarşı matçda iştiraka tam hazır olduğunu bildirib", - deyə qəzet ona istinadən məlumat yayıb.

Salahın sözlərinə görə, komandanın rəhbərliyi onun matçda əsas heyətdə yer almasını istəyir.