CAR-da futbolçunu matç zamanı ildırım vuraraq öldürüb

Bakı. 5 may. REPORT.AZ/ Cənubi Afrika Respublikasının "Maritsburq Yunayted" klubunun 21 yaşlı futbolçusu Luanda Ntsxanqase matç zamanı ildırım vurması nəticəsində ölüb.

“Report” xəbər verir ki, bu barədə məlumat klubun "Facebook" səhifəsinə yerləşdirilib.

Klubun prezidenti Fərrux Kadodiya futbolçunun ailə üzvlərinə başsağlığı verib və vida mərasiminin keçirilməsində komanda tərəfindən maddi yardım göstəriləcəyini deyib.