AFFA İntizam Komitəsi "Qarabağ" klubunu cərimələyib

Bakı. 14 fevral. REPORT.AZ/ AFFA İntizam Komitəsi "Qarabağ" klubunu cəzalandırıb. 

"Report"un Peşəkar Futbol Liqasının rəsmi saytına istinadən verdiyi məlumata görə, buna Ağdam komandasının azarkeşlərinin Azərbaycan Premyer Liqasının XV turunda “Qəbələ” ilə oyun zamanı davranışları səbəb olub. 

Fanatlar matçın 72-ci dəqiqəsində meydana kənar əşyalar atıblar. Bu səbəbdən, kluba 1600 manat cərimə kəsilib. 

Qeyd edək ki, qarşılaşma qolsuz yekunlaşıb - 0:0.