Bakı. 27 mart. REPORT.AZ/ Şahmat üzrə dünya çempionu Maqnus Karlsen Almaniyanın paytaxtı Berlində keçirilən İddiaçılar Turniri barədə proqnozunu açıqlayıb.
“Report” xəbər verir ki, 27 yaşlı norveçli qrossmeyster şəxsi “Twitter” hesabında bunu yazıb: "Fabiano Karuananın turnirin qalibi olmaq şansı 70 faizdir”.
Qeyd edək ki, hazırda turnirin sonuncu - XVI turu oynanılır. ABŞ şahmatçısı Fabiano Karuana 8 xalla vahid liderdir. Azərbaycan təmsilçisi Şəhriyar Məmmədyarovla rusiyalı Sergey Karyakin 7,5 xalla 2-ci və 3-cü yerləri bölüşdürürlər. Yarışın qalibi şahmat tacı uğrunda görüşdə Maqnus Karlsenlə qarşılaşacaq.