Bakı. 18 may. REPORT.AZ/ "SOCAR Energy Ukraine" hazırda Ukrayna ərazisində ən böyük investorlardan biridir".
"Report" xəbər verir ki, bunu Ukraynanın Azərbaycandakı səfiri Aleksandr Mişenko deyib.
"Biz bu şirkətə fəal yardım edirik. Çünki bu gün şirkət Ukraynada həm stansiyalar, həm də yanacaq-energetika kompleksi ilə bağlı bütün məsələlərdə keyfiyyət etalonudur. Ukraynada yanacaqdoldurma məntəqələrinin sayının artdığını qeyd etməyə şadıq", - deyə səfir bildirib.
Onun sözlərinə görə, iki ölkə hökuməti investisiyaların qorunması və cəlb edilməsinə fəal yardım edir və bu investorlar üçün çox əhəmiyyətlidir.