Hindistan İrandan sutkada 300 min barel neft ala biləcək

Bakı. 6 noyabr. REPORT.AZ/ ABŞ Hindistana İrandan sutkada 300 min barel neft almaqla İslam Respublikasına qarşı sanksiyalardan yayınmağa icazə verib.

"Report" "RİA Novosti"yə istinadən xəbər verir ki, bu barədə "Bloomberg" agentliyi vəziyyətlə tanış olan mənbəyə istinadən məlumat verib.

"İrana qarşı sanksiyalar çərçivəsində ABŞ-ın xüsusi icazəsi Hindistanın neft emalı zavodlarına sutkada 300 min barrelə qədər İran nefti idxal etməyə imkan verir", - agentlik yazır. Qeyd olunur ki, belə istisnanın müddəti 180 gündür.

Agentliyin hesablamalarına görə, 2017-ci ildə İran Hindistana sutkada, təxminən, 450 min barel neft verib, 2018-ci ildə neft ixracı orta hesabla sutkada 560 min barel səviyyəsində olub.