“Brent” neftinin qiyməti 60 dollardan aşağı düşüb

Bakı. 23 noyabr. REPORT.AZ/ Bakı vaxtı ilə 17:43-ə olan məlumata görə, "Brent" markalı Şimal dəniz neft qatışığının yanvar fyuçerslərinin qiyməti 4,44% azalaraq 59,82 dollar/barelə düşüb.

"Report" xəbər verir ki, WTI markalı yüngül neftin yanvar fyuçerslərinin qiyməti isə bir barelə görə 6,04% azalaraq 51,33 dollar təşkil edib.

"Brent" neftinin bu qiyməti 2017-ci il oktyabrın 27-dən bəri ən aşağı qiymətdir.