Azərbaycanın magistral qaz kəmərləri ilə nəqletmə 6% artıb

Bakı. 22 yanvar. REPORT.AZ/ 2018-ci ildə Azərbaycanın magistral qaz kəmərləri ilə 23 487,8 mln. kubmetr qaz nəql edilib.

“Report”un Dövlət Statistika Komitəsinə istinadən verdiyi xəbərə görə, magistral qaz kəmərləri ilə nəqletmədə əvvəlki ilə nisbətən 6,2% artım müşahidə olunub. 

Qazın nəqlinin 35,7%-i Bakı-Tbilisi-Ərzurum Cənubi Qafqaz boru kəməri vasitəsilə həyata keçirilib. Bu kəmərlə ötən il 8 386,9 mln.kubmetr qaz (“Şahdəniz” yatağından hasil edilən qaz-REP.) ötürülüb.