Astaranın 8 kəndində qaz təchizatı dayandırılıb

Astara rayonunun Ərçivan qəsəbəsi ərazisində qazıntı işləri aparan şirkət “Ərçivan” qaz paylayıcı stansiyasından (QPS) qidalanan orta təzyiqli qaz xəttini zədələyib.

Bu barədə “Report”a Azərbaycan Dövlət Neft Şirkətinin (SOCAR) “Azəriqaz” İstehsalat Birliyindən məlumat verilib.

Məlumata görə, bu, 1 qəsəbə və 8 kəndin qaz təchizatının dayandırılmasına səbəb olub.